Abaday misugyot matino operasyon sa bao-bao
GISUGYOT ni Konsehal Roger Abaday, Chairman sa Komite sa Games and Amusement, nga matino sa duha ka mga ahensya sa gobyerno nga miluwat sa memorandum ang saktong kahimtang sa operasyon sa bao-bao sa syudad.
Kini ang gisugyot sa konsehal agig reaksyon sa special report ni Konsehal James Judith II, atol sa sesyon sa Konseho niadtong Lunes nga gidumala ni Bise Mayor Bebot Rodriguez, kabahin sa sugyot ordinansa nga maghatag og panugot sa mga bao-bao operators nga makabyahe dinha sa national highway.
Sumala ni Abaday nga nakalatid sa DILG Memorandum nga gidili nga makasulod sa national highway ang mga tricycle, pedicabs, motorized sikad ug bao-bao apan ang Land Transportation Office (LTO) mihatag og panugot nga maka-agi sa national highway alang sa pribadong katuyuan.
Matod niya nga dili mabasol ang nagpalit og bao-bao tungod kay gitugotan man sa gobyerno ang pagbaligya ug pagsulod niini sa nasud apan dili angayan nga mag-operate kun walay panugot sa lokal nga kagamhanan.
Niini, malaumon si Abaday nga mapasabot sa mga hingtungdang ahensya ang maong isyu aron mahatagan sa katin-awan ang tanan ug matunol ang tukmang solusyon sa isyu sa operasyon sa mga bao-bao.
Comments