Abaday misugyot imbestigahan ang gitrabahong Kagay-an Bridge

Si Konsehal Roger Abaday, Chairman sa komite sa Environment, misugyot nga angayan imbestigahan aron masuta ang giingong depekto diha sa pagtrabaho sa Kagay-an Bridge nga nagkonektar sa barangay Nazareth ngadto sa barangay Carmen.

Kini ang reaksyon ni konsehal Abaday sa taho ni konsehal Ian Mark Nacaya atol sa sesyon niadtong Lunes nga gidumala ni Bise Mayor Jocelyn Bebot Rodriguez .

Sumala ni Abaday nga sa milabayng administrasyon diin adunay gihimong proyekto nga tulay diha sa barangay Carmen, iyang nasayran gikan sa pipila ka mga engineers nga adunay namatikdang depekto o crack ang maong tulay hinungdan nga mihimo kini og special report sa tuyo nga masusi og ma-aksyonan ang maong problema.

Niini nagtoo si Abaday nga pinaagi sa himoong imbestigasyon matubag ang mga pangutana ug mapangitaan sa tukmang aksyon og solosyon.