Abaday mipahimangnu kontra pangontrata sa pletihan sa taxi, rela, ubnp dihas pier

Kusganong gihangyo ni Konsehal Roger Abaday ang mga pasahero nga magmabinantayon sa giingong mga sakyanan diha sa pantalan nga gapangontrata sa pletihan ug taas kaayo ang singil.

Kini ang panawagan sa konsehal agig tubag sa special report ni Konsehal James Judith II, sa sesyon sa konseho niadtong Lunes nga gidumala ni Bise Mayor Jocelyn Bebot Rodriguez.

Si Judith mitaho nga adunay mga PUJ, motorela, taxi, van ingon man mga trisikad nga mangontrata ug mosingil og taas kaayonga pletihan sa mga bag-ong abot nga pasahero ug wala misunod sa gilatid nga taripa sa LTFRB.

Matud ni Abaday nga dili lang kini gakahitabo sa atong syudad lakip na sa ubang dapit sa nasud tungod nga adunay pipila ka mga driver nga mapahimuslanon gayud sa higayon.

Niini, si Abaday mipahimangnu sa mga pasahero nga dili magpa-ilad, magmatngon kanunay ug mopili sa mga tarong aron mapakgang ang hiwing binuhatan sa mga driver nga sakay sa panahon.