Abaday miduso sa aplikasyon sa Lumbia Octagon ngadtos CLO

GIDUSO ni Konsehal Roger Abaday, chairman sa Komite sa Games and Amusement, ngadto sa City Legal Office ang hangyo ni Rodrigo Go, presidente sa Lumbia Octagon Sports Arena, nga mahatagan og special permit alang sa duha ka adlaw nga invitational 5 Stag Derby sa umaabot Agosto 15 ug 17, 2023.

Kini alayon sa tinuig nga kasaulogan sa kapistahan sa syudad. Sa milabayng tigom sa komite, si Abaday mipasabot nga kinahanglang masuta pag-ayo ang maong aplikasyon nga masunod sa mga tigdumala ang mga gikinahanlang rekisitos sa gobyerno.

Nasayran nga gidapit ang mga sabong enthusiast sa nagkadaiyang dapit sama sa Negros, Cebu, Bohol, Lanao, Zamboanga, Agusan, Surigao, Bukidnon, Davao ug Manila nga gilaumang makatabang sa kinitaan sa mga lokal nga negosyante sa syudad.

Niini, si Abaday mibutyag nga andam motabang ug mosuporta ang komite basta masunod ang nahilatid sa balaod.