Abaday miapod-apod og color-coded trash bins

GISUGDAN ni Councilor Roger Abaday ang unang hugna sa pagpanghatag sa color-coded hooded trash bin sa mga opisina, barangay, ug tunghaan sa dakbayan.

Kani parte sa Information, Education and Communication (IEC) campaign ni Abaday isip chairman sa komite sa environment sa Konseho ug chairman usab sa Solid Waste Management Board sa syudad, ug pahaum usab sa Akta Republika 9003 kon Ecological Solid Waste Management Act.

Malaumon si Konsehal Abaday nga pinaagi sa mga basurahan, maedukar ang katawhan sa sakto ug responsableng pagdumala sa basura ingon man mas malimpyo ug mahapsay ang syudad.

Pipila sa nakadawat sa maong basurahan ang Kauswagan Central School, Kauswagan Brgy. Hall, Bongbongon Elementary School ug City Engineers Elementary School.

Nahatagan usab ang Bonbon National High School, Bonbon Elementary School, Bonbon Brgy. Hall, Bayabas Brgy. Hall, Bayabas Elementary School, ug Bayabas National High School. (FDCalotes/SP)