Abaday gisiguro ang legalidad sa machine betting system sa bulangan

GUSTONG masiguro ni Konsehal Roger Abaday, chairman sa komite sa games and amusement, ang legalidad sa paggamit sa betting machine system sa mga bulangan dinhi sa syudad ug nahisubay ba kini sa balaod aron dili  mapihig  ang syudad  sa  koleksyon sa  buhis.

Kini ang gipasabot ni Konsehal Abaday sa mga tigdumala sa bulangan atol sa tigom sa komite niadtong milabayng adlaw ug aron usab iya kining mapasabot ngadto sa mga sakop sa Konseho.

Si Mr. Nilo Sing Sing, tigdumala sa Indahag Square Garden, mibutyag nga gisunod nila ang tanang gabayan nga gisitar sa balaod.

Nunot niini, giduso ni Abaday ang aplikasyon sa machine betting system ngadto sa City Legal Office alang sa dugang pagtoon ug rekomendasyon.