Abaday gipaluyohan ang hanyo sa mga sakop sa RTA

GIPADANGAT ni konsehal Roger Abaday, chairman sa komite sa senior citizens, ngadto sa konseho sa syudad ubos ni bise mayor Kikang Uy ang hangyo sa mga kawani sa Roads and Traffic Administration (RTA) nga unta mapatuman na ang sharing scheme sa multa sa kalapasan sa balaod trapiko.

Sa sesyon niadtong Lunes, si Abaday mibutyag nga iyang nadawat ang sulat sa mga sakop sa RTA nga naghanyo nga matabangang mapaabot kang Mayor Oscar Moreno ang ilang hangyo nga mapatuman na kini.

Matud sa konsehal nga nakita niya ang paningkamot sa RTA bisan sa ulan ug init anaa kini nga nag-abag sa mga motorist aron mapagaan ang dagan sa trapiko.

Angayan nga hatagan sa pagtagad ang ilang mga mulo tungod kay makatabang kini dinha sa ilang hingpit nga pagpatuman sa mga balaod sa trapiko, pamahayag ni Abaday