Abaday gihingusgan mamugna ang satellite registration booth

Gilaraw ni Konsehal Roger Abaday chairman sa komite sa senior citizen nga agnihon ang mga Barangay opisyal sa dakbayan nga mag-mugna ug satellite registration booth sa ilang tagsa-tagsa ka mga barangay alang sa vaccination program sa mga hamtong.

Kini ang unod sa special report ni Abaday sa sesyon ni-adtong lunes nga gidumala ni Bise-Mayor Kikang Uy agig sugyot aron mapasayon ang pag-akomodar pag bakuna aron dili na mahago pa ang mga hamtong.

Sumala ni Abaday nga nakita niya nga adunay pipila ka barangay sa syudad ang nakasinati sa kalisod sa signal sa ilang internet ug adunay uban nga wala gayoy internet ilabi na kadtong ana-a sa mga hinterland barangays hinungdan nga maglisod kini nga

makapa rehistro.

Niini gisugyot sa konsehal nga mag-organisa ang City Health Office ug Team o hugpong nga ang tahas mao ang facilidad sa mga barangay alang sa maong katuyo-an.

Nunot niini gisugyot ni Bise-Mayor Kikang Uy nga hulaton nalang ang sunod nga ipakanaog nga bag-ong mando sa IATF alang sa dakbayan sa Cagayan de Oro.