Abaday gi-kwestion ang legalidad sa kooperatiba sa Bolonsiri Cemetery

GUSTONG masayod si Konsehal Roger Abaday, chairman sa komite sa senior citizen sa konseho, kun aduna bay legal authority gikan sa opisina sa mayor ang pagdapagan sa kooperatiba diha Bolonsori Cemetery.

Kini ang gipadangat nga pangutana ni Abaday atol sa tigom sa komite sa cooperative ni Konsehal Eric Salcedo diin gituki ang reklamo sa katawhan kabahin sa pagdumala sa kooperatiba diha sa maong sementeryo.

Sumala sa konsehal nga wala niya gi-kwestion ang pagpadagan sa nasangpit nga kooperatiba apan ang iya lang gustong masayran kun aduna ba kini panugot gikan sa local nga pangagamhanan kay trabaho kini sa mga opisyal sa syudad ang pagdumala sa

gobyernong propyedad.

Nanghinaot si Abaday nga ma solusyonan kini nga mulo sa katawhan kay daghan kabus ang naglisod karon niining panahon sa pandemia unya magastuhan pa sa dagkong

kantidad sa panahon sa paglubong sa ilang mga minahal sa kinabuhi diha sa atong pang publiko nga sam-ang.

Nunot niini subling mag-tigom sa sunod semana ang komite sa cooperative ug dapiton subli ang buhatan sa City Social Welfare Department CSWD ingon man ang Clenro aron mapangita-an ug pundo nga maoy motabang sa mga kabus nga dili makagahum pagbayad sa mga rekisitos.