5 road projects sa 2022 nakompleto pagtrabaho

MOKABAT sa P13.69 milyones ang balor sa lima ka proyekto sa pagsemento og dalan ang nakompleto na sa pagtrabaho.

Kini ang unod sa gisumeteng accomplishment report sa City Engineer’s Office (CEO) ngadto sa buhatan ni Bise Mayor Bebot Rodriguez.

Lakip sa nakompleto pagtrabaho mao ang proyekto pagsemento og dalan ug pag-instalar og drainage sa relocation area sa Caretas Subdivision sa barangay Indahag nga mobalor og P3.49 milyones; pagsemento sa mga dalan dala na ang pagtul-id sa drainage sa Villa Trinitas Subdivision sa barangay Bugo balor P2.99 milyones; pagsemento sa Bahuyo Street, Canitoan (P2.19 milyones); road reblocking sa St. Therese Street, Kauswagan ((P2.99 milyones), ug pagsemento sa interior roads sa Kauswagan (P1.99 milyones).

Ang maong mga proyekto gipundohan ubos sa 20% Development Fund sa dakbayan.

Malaumon si Bise Mayor Bebot Rodriguez nga dugang pang mga proyekto sa imprastraktra ang makompleto sa labing daling panahon aron malikayan ang kahasol sa katawhan ilabina ning panahon sa ting-ulan. (SP/JNortiza)