456 ka Trainees sa City College-TVET gipahalipayan ni Konsehal Daba

Kusganong mipahalipay si Konsehal Suzette Magtajas-Daba, chairman sa komite sa Edukasyon sa 456 ka mga trainees sa City College of Cagayan de Oro-TVET Department nga malamposong mitapos sa ilang Vocational Training sa miaging semana.

Ang ika 8th Graduation Ceremony nga nagsentro sa tema: “Advancing Quality and Relevant Skills Training for Life and Work”.

Nasayran nga ang mga hintundang trainees mipailawom sa makuting pagbansay sa kursong Electrical Installation and Maintenance NC II, Shielded Metal Arc Welding NC II, Housekeeping NC II, Barangay Health Services NC II ug Carpentry NC II.

Ang maong mga kurso gitanyag sa kagamhanan alang sa mga kabatan-onan uban sa pagtambayayong sa Cagayan de Oro Technical Vocational Institute (CDO-TVI). Tumong sa maong programa nga ang makahuman sa ilang gipiling kurso makasulod sa trabaho ug makasugod sa ilang pagnegosyo alang sa panginabuhian ug alang sa dugang kaarangan sa ilang kinabuhi.

Niini dako ang pasalamat ni Konsehal Daba sa administrasyon ni Mayor Klarex sa walay puas nga panglantaw ug paghatag sa mga libreng programa alang sa kaarangan sa kabatan-onan sa dakbayan.