4 ka classroom matukod sa Tagpangi Elem. School

DUGANG 4 ka classroom ang matukod diha sa Tagpangi Elementary School.

Kini human gisubhan sa miaging semana ang duha ka andanang edipisyo nga adunay upat ka lawak saringan nga mobalor og P29.8 milyones.

Si Konsehal Suzette Magtajas-Daba, Chairman sa Komite sa Edukasyon, kusganong midayeg ug nagpasalamat sa kagamhanan ubos ni Mayor Klarex Uy uban sa pag-abag sa Department of Education (DepEd) tungod sa paghatag og kahigayonan nga makakab-ot sa kaarangan sa kinabuhi ang katawhan sa dakbayan.

Gipasabot sa konsehal nga ang maong edipisyo dako og ikatabang sa kabataan aron makabaton og de kalidad nga edukasyon dili lamang sa Barangay Tagpangi lakip na sa ilang mga kasikbit nga dapit tungod kay anaa naman sa ilang tugkaran ang tunghaan.