2023 Annual Budget sa Gusa,giuyonan sa konseho

HINGPIT nang  mapatuman ang mga programa ug proyekto  sa Barangay Gusa nga gipunduhan sa  miaging tuig 2023.

Kini human ang Konseho  sa sesyon sa Konseho, niadtong Lunes nga gidumala  ni Bise Mayor Bebot Rodriguez misagop og resolusyon nga nag-uli sa ordinansa  sa maong barangay nga may kalabutan sa ilang  2023 Annual Budget nga mokabat sa P31, 704, 579.

Tipik sa gihatagan sa prayoridad sa maong budget ang pagpatuman  sa ilang livelihood and development project , pagtukod og drainage diha sa Purok 5 ug 3, paghinlo sa canal, pagrehabilitar sa mga pathways ug Material Recovery Facilities & ESWM.

Migahin usab ang barangay og igong pundo alang sa pagpatuman sa reforestation and greening project, rehabilitasyon sa water works system ug multipurpose hall, pagpatuman sa ecological solid waste management, pag-instalar og suga sa kadalanan, pagpamalit og supplies nga magamit panahon sa kalamidad ug igong pundo sa Sangguniang Kabataan alang sa youth development program.

Ang resolusyon nga gisagop sa Konseho alang sa maong katuyuan gipaluyuhan sa Komite sa Barangay Affairs ni Konsehal Yan Lam Lim ug Komite sa Pamalaod ug Reglamento ubos ni Konsehal Edgar Cabanlas.