2022 SK budget sa Bugo mapatuman na

KAPIN sa P1.4 milyones ang gigahin sa Sangguniang Kabataan (SK) sa Barangay Bugo aron magamit dinha sa pagpatuman sa mga programa alang sa pagpalambo ug paghatag og gahum sa kabatan-onan.

Kini human ang konseho sa syudad ubos ni Bise Mayor Bebot Rodriguez, sa sesyon niadtong Lunes, misagop sa resolusyon nga nag-uli sa resolusyon sa Barangay Bugo diin nasukip ang 2022 SK Annual Budget nga

adunay gibanabanang kinitaan ug galastohon balor P3,751,761.00.

Gihatagan sa prioridad sa SK sa barangay nga mapatuman karong tuiga ang pagpalit og 1 unit air-conditioner, 1 unit television set, 1 unit computer set ug 1 unit water dispenser.

Migahin usab ang barangay og igong pundo nga magamit sa pagpalit og furniture; fixtures, filing cabinets, sound system with accessories, monoblock chairs and tables ug uban pang proyekto nga makapadasig sa kabatan-onan diha sa pagkab-ot sa dugang kaarangan ug kalamboan sa ilang kinabuhi.

Ang resolusyon nga gisagop sa konseho alang sa maong katuyuan gipaluyohan sa Komite sa Sports and Youth Development ni Konsehal John Michael Seno ug Komite sa Pamalaod ni Konsehal Ian Mark Nacaya. SP/RNQuiblat)