2022 annual budget sa Tablon giaprobahan

Hingpit nang maimplementar sa konseho sa Barangay Tablon ning syudad ang ilang mga programa ug proyekto alang karong tuig 2022.

Kini human ang konseho sa session niadtong Lunes nga gidumala ni Bise Mayor Jocelyn Rodriguez misagop og resolusyon nga nag-uli sa ordinansa sa maong barangay nga may kalabutan ang ilang 2022 Annual Budget nga mokabat og P43,135,204 alang sa hingpit nga implementasyon nga gilantawng maghatag dugang kalamboan sa ilang dapit.

Lakip sa gipunduhan sa barangay ubos sa maong budget mao ang pagtukod og mga drainage ug pagtul-id sa ilang barangay hall ug day care center.

Migahin usab ang barangay og igong pundo alang pagpalit og computers, pag-instalar og sound system ug pagpalit sa 1 ka motorsiklo ingon man 1 ka unit nga patrol vehicle nga magamit panahon sa emerhensya.

Ang resolusyon nga gisagop sa konseho alang sa maong katuyuan gipaluyuhan sa komite sa barangay affairs ni Konsehal Yan Lam S. Lim ug komite sa pamalaod ug reglamento ubos ni Konsehal Ian Mark Nacaya