2020 General Ordinances saBrgy 35 tun-an sa brgy affairs

KONSIDERAHON sa komite sa Barangay Affairs ni Konsehal Yan Lam Lim ang ordinansa nga gipalabang sa Konseho sa Barangay 35 diin nasukip ang ilang 2020 General Ordinances.

Ang maong balaod naghan-ay sa tanang balaod nga gipatuman sa barangay alang sa ilang mga ginsakopan. Lakip niini ang mga balayrunon sa tanang dokumento nga lukaton sa lain laing katuyuan ug balayrunon sa pagpasaka og kaso diha sa ilang barangay lupon.

Lakip sa mga dokumento nga malukat sa barangay sa kantidad nga P50 mao ang barangay clearance, certificate of residency, certificate of socialized housing, certificate of water connection, certificate of electrical connection ug uban pang mahinungdanong dokumento.

Hinuon, ang maong ordinansa naglatid usab sa exemption alang niadtong dili makagahum pagbayad sa gipahamtang nga balayronon nga naglakip sa mga kabus, mga tinun-an ug out of school youth, mga first time job seeker, mga hamtong, PWD ug 4Ps.

Mipahamtang usab ang barangay og balayrunon alang niadtong buot moinstalar og streamers ug billboards sa mga dapit nga nahisakop sa barangay apan gi-exempt ang mga religious ug government-sponsored nga kalihukan nga dunay panugot gikan sa kapitan. (SP/JRGalano)