Deed of donation, acceptance tun-an sa komite sa social services

Padayong karong tun-an sa komite sa katilingbanong serbisyo sa konseho ubos ni konsehal Reuben Daba ang gisugyot nga Deed of Donation tali sa kagamhanan sa syudad ug Jaime Ongpin Foundation Inc.

Kini may kalabutan sa pagpatuman sa “2018 Program for the Philippines” kon naila nga PFP 2018 nga kabahin sa ilang PMFTC corporate responsibility (CSR) program .

Tumong sa PFP nga mo paambit sa pisitibong impact sa kinabuhi sa mga kabus nga individual, pamilya ug komunidad pinaagi sa intervention nga naglakip sa : Women Empowerment, Economic Opportunity ,access to quality education , disaster preparedness nga dako kaayog maamot nga makab-ot ang specific Sustainable Development Goals ( SDG) labina nga ang natural nga mga kalamidad moabot lang nga walay pagpahibalo.

Sa iyang bahin ,ang kagamhanan isip Donee modawat sa mga donasyon gikan sa foundation apan kinahanglan nga gamiton lang gayud o eksklusibo alang sa maong katayuan ug dili mahimong gamiton alang sa re-donation , pagbaligya o pag-apod apod ni bisan kinsa .

Sa maong kasabutan usab, ang kagamhanan moduso sa documentation report sa dili pa ang Mayo 30,2019 aron ang donasyon makaabot gayud sa mga benefesaryo nga anaa pa sa maayong kondisyon.

Hinoon ang buhatan sa City Legal mipasabot nga kon nakita sa kagamhanan nga ang mga kondisyones sa maong kasabutan pabor alang sa kaayuhan sa kagamhanan ug kung ang syudad makagahum sa pagsunod niini ilang girekomendar nga maindorsar kini ngadto sa konseho alang paborableng konsiderasyon.(SP/ Yonggals)