Road right of way diha sa Barra, Opol gihangyo

Konsiderahon sa komite sa urban & rural poor ni konsehal Zaldy Ocon ang hangyo nga gipaabot sa usa ka pamilya diha sa Zone 7, Barra, Opol sa probinsya sa Misamis Oriental.

Kini kalabot sa ilang problema nga kakulangon sa dalan kon road right of way (RROW) nga maagian ilabina panahon nga adunay mga emerhensya sa dapit.

Gipasabot maong pamilya nga kaniadto sayon lang kanila ang pag-agi pagawas sa ilang dapit kun adunay paliton o bisan magsag-ob og tubig apan karon maglisod na sila tungod kay aduna nay nakapalit sa kasikbit nga lote ug wala gayud sila gahini og luna aron magamit nga dalan.

Ilang gikahadlokan nga basin og adunay mga emerhensya nga mahitabo maglisod sila sa pag-agi kay gani maglisod man sila paggawas kun magsimba sa ilang kapelya.

Sila nanghinaut nga matabangan nga masolusyonan sa konseho ang ilang problema mahitungod sa kakulangon sa dalan.(SP/Yonggals)