Dahino miaghat sa kabataan ampingan ang pagtuon alang sa hayag nga ugma

Si konsehal Edna Marban-Dahino, chairman sa komite sa women and family relations, mipaabot sa iyang bulawanong mensahe ngadto sa mga iskolar sa syudad atol sa gipahigayong Scholars’ Cup 2019 kagahapong adawa diha sa City Hall Quadrangle.

Ang konsehal mipahinumdom sa kabataan nga angayan lamang magkugi ug atimanon ang pagtuon ug dili ibaylo sa mga pagsuroy suroy ug uban pang kalihokan nga makaapekto sa ilang pagtungha.

Angayan lamang natong pasalamatan ang kagamhanan sa kahigayonan nga natunol ngadto sa kabataan ilabina sa mga kabus aron makapadayon sa pagtungha sa kolehiyo, dugang ni Dahino.

Si Dahino miaghat sa kabataan nga gikinahanglang magpili sa insaktong kurso karon tungod kay mao kini ang magdeterminar sa ilang ugma ug sa umaabot nga mga panahon.

Busa angayan lamang nga atong ampingan ang naangkong kahigayonan ug atong ubanan sa kakugi ug kabuotan, sumpay sa konsehal.

Siya nanawagan usab sa mga ginikanan nga giyahan ang ilang kabataan tungod kay ang pamilyang lig-on adonay kaugmaon.

Atong atimanon, giyahan ug imatuto sa insaktong mga gawi ang atong kabatan-onan tungod kay sila ang atong umaabot nga mga lideris ilabina sa sunod pang mga henerasyon, pamahayag ni konsehal Edna Dahino. (SP/APD)