Goking mipasalamat sa tanang miabag sa Xavier Ateneo -Night School Program

Si konsehal George Goking, chairman sa komite sa trade and commerce ug komite sa ways and means, mihatag sa iyang bulawanong mensahe ug pagdasig atol sa Xavier Ateneo-Night School Program “Bridging Dreams Culmination Ceremony” niadtong miaging adlaw.

Naglangkob sa maong mga estudyante ang mga out of school youth, drop-outs ug mga street children sa dakbayan.

Ang maong Night School Program gitambayayongan sa mga volunteer teachers, XU, Lenovo, DepEd, LSB, CSWB, Dept. of Information and Communications Technology, SMART, Phil. Business Inst. For Youth, Asian Pacific, Nature’s Spring, Xavier University Coop Canteen ug ubang ahensya nga naglantaw sa mga kabataan.

Dako ang pagpasalamat ni Goking sa maong mga ahensya ug grupo nga nagpakabana sa kahimtang sa kabataan nga ang uban naglatagaw na sa kadalanan.

Ang edukasyon makapausab sa kahimtang sa usa ka tawo ugma damlag diin maghatag kini og direksyon sa ilang kinabuhi. Daghan kaayong salamat sa mga tawo nga mihatag sa ilang pagtagad alang sa kausaban sa ilang kinabuhi, pamahayag ni Goking. (SP/APD)