Tax Ordinance sa Brgy 18 tun-an sa brgy affairs
![](https://static.wixstatic.com/media/68a890_33ce3b4a49b8465e8e9ef2c998af1361~mv2.jpg/v1/fill/w_144,h_144,al_c,q_80,enc_auto/68a890_33ce3b4a49b8465e8e9ef2c998af1361~mv2.jpg)
Gipaabot tun-an sa komite sa barangay affairs ni konsehal Alam Lim ang gipalabang nga Tax Ordinance sa Barangay 18.
Unod sa balaod ang mga buluhisan ug balayronon sa mga negosyante ug molopyo sa barangay pinasubay sa Local Government Code of 1991.
Sa maong ordinansa, madugangan ang kinitaan sa barangay aron magamit sa pagpundo sa mga gihan-ay nga programa ug proyekto nga magdala og dugang kaarangan sa kinabuhi sa ilang katawhan nga gialagaran.
Lakip sa gipahamtang nga balayronon mao ang P50 alang sa matag lukat sa barangay clearance, hinoon libre kini alang sa mga hamtong sa ilang barangay.
Gipahamtangan usab ang mga tag-iya og boarding house pagbayad og P100 matag lawak nga business clearance matag tuig.
Ang ordinansa sa barangay giduso ni bise mayor Kikang Uy ngadto sa komite sa barangay affairs ni konsehal Alam Lim alang dugang pagtuoon ug rekomendasyon. (Yonggals)