Hangyo Oro taxi drivers tukion sa Public U

Konsiderahon karong adlawa sa komite sa public utilities ni konsehal Teodulfo Lao Jr. ang hangyo ni Allan Gamba, chairman sa komite sa Metro Cagayan De Oro Taxi Federation (MCTF).

Kini kabahin sa ilang hangyo nga ipahunong na ang paghatag og prankisa ngadto sa mga taxi units sa syudad.

Sa sulat ni Gamba ngadto sa komite, iyang gipadayag ang namatikdan sa ilang kapunungan nga daghan pang mga taxi units sa dakbayan ang namasahero nga mga colorum ug makaluluoy silang mga lehitimo nga taxi units kay apektado ang ilang kinitaan ang uban taxi driver igo igo lang sa boundary.

Dugang ni Gamba nga lakip usab nga nakaapekto kanila kining pagpamasahero sa mga tricab hinungdan nga kusganon sila nga mihangyo sa komite ni konsehal Bong Lao ug ubang mga hintungdang ahensya kalabot sa maong isyu.

Nunot niini, gidapit sa tigom karong alas 9 sa buntag dinha sa hawanan sa konseho aron mohatag sa ilang panahum ug opinyon sila sa acting administrator Teddy Sabuga-a, assistant city legal officer Atty Raymund Villablanca, RTA overseer Ret. Col Mario Verner Monsanto, LTFRB 10 regional director Aminoden Guro, ug si Allan Gamba, chairman sa MCTF Metro Cagayan De Oro Taxi Federation. (El Kapitan)