Reforestation project gipatuman dihas daang landfill

Padayon ang pagrehabilitar sa daang landfill sa Upper Dagong, barangay Carmen.

Mao kini ang gipamahayag ni konsehal Jay Pascual, chairman sa komite sa turismo sa sinemanang programa sa konseho sa kahanginan.

Matod niya nga sa kasamtangan, gitamnan na sa mga kahoy ug sagbot aron mawala na ang baho sa lugar.

Hinay hinay nga mga lakang alang sa kaayuhan aron dili na moreklamo ang katawhan sa baho gikan sa basurahan.

Gani, aduna pa gihapo’y baho nga masimhutan apan dili na gayud sama kaniadto, dugang ni Pascual.

Atong tinguha nga mapuslan ang maong luna ug sa umaabot mamahimong lugar alang sa ipatumang proyekto sa kagamhanan sa dakbayan, pasabot sa konsehal.

Mahinumduman nga ang daang basurahan gisiraduan aron pagsunod sa probisyon sa RA 9003 kon Ecological Solidwaste Management Act of 2000.

Ang sanitary landfill anaa na gipahimutang sa barangay Pagalungan.