Suan mipadayag suporta sa kabatan-onan sa CdeO

Si konsehal Lordan Suan, chairman sa komite sa Blue Ribbon & Ethics, maoy usa sa mga pinasidunggang dinapit sa gipahigayon nga Launching & Signing sa programang Leadership Committee sa mga kabatan-onan.

Ang maong okasyon gipahigayon diha sa Peace Center, Balay Mindanao, Bulua niadtong miaging Pebrero 3, 2018. Tumong sa maong programa ang pagtudlo sa kabatan-onan nga mahimong maligdong nga mga lideres sa umaabot nga panahon ug magiyahan sa pagmugna ug mga proyekto ug mahimong mapuslanon nga molopyo sa syudad.

Si konsehal Suan midasig sa mga kabatan-onan ug siya andam mosuporta sa ilang mga plano nga maghatag ug kaayohan alang sa tanan.

Ang maong okasyon gitambongan sa mga kadagkoan sa dakbayan ug usab sa mga kabatan-onan sa napulo ka barangay sa dakbayan

Ang maong kalihokan gipangonahan ni Garrett Nolasco, Location Lead MINDANAO sa Ayala Foundation Inc. (APD)