Pagngalan og dalan pahinungod ni Apolinario Nacalaban gihangyo

Daling giaksyonan ni bise mayor Kikang Uy ang hangyo sa pamilyang Nacalaban nga nganlan ang usa sa mga dalan sa dakbayan pahinungod ni Apolinario Nacalaban.

Giduso sa bise mayor ngatdo sa komite sa turismo ni konsehal Jay Pascual ang gipasakang Resolosyon sa Nacalaban Clan alang sa maong katuyoan aron mapahigayon ang makuting pagtuon ug rekomendasyon.

Gipasabot nga si Nacalaban usa ka bayani kinsa mibuhis sa iyang kinabuhi atol sa engkwentro sa Makahambus Hill batok sa mga Amerikanong buot mosakop sa Mindanao.

Matod pa nga si Nacalaban walay pagduha duha nga midepensa sa syudad ug nag-inusarang namatay batok sa daghang mga cavalrymen sa Estados Unidos.

Dako ang panghinaut sa pamilya ni Nacalaban nga mahatagan og bili ang kinabuhi nga iyang giula alang sa kagawasan sa tanang Kagay-anon batok sa mga langyawng buot mosakop niini.