Dugang kaarangan sa kinabuhi sa mga mag-uuma gilantaw

Konsiderahon sa komite sa agrikultura ni konsehal Annie Daba ang gisugyot nga Memorandum of Agreement (MoA) tali sa kagamhanan sa dakbayan ug Department of Agriculture Regional Field Office 10 (DA-10).

Kini kalabot sa pag-grant og usa ka unit nga pump ug engine set alang sa mga mag-uuma.

Sa kopya sa maong MOA, ang DA RFO 10 pinasubay sa ilang mandated function pag-promote sa agricultural development pinaagi sa bottom up self reliant farming system approach nga magpatuman sa equity, productivity ug sustainability sa paggamit sa agricultural resources, sila maghatag sa igong serbisyo pagsiguro nga mapatas-an ang farm productivity ingon man ang kita sa mga mag-uuma.

Matod pa nga dako kaayong tabang ang maong proyekto diha sa pagsaka sa produksyon sa agricultura ug sila gitahasan pag-instalar sa mga mitigating measures sa panahon nga adunay kalamidad nga makaapekto sa agricultural areas sa rehiyon.

Sa maong MOA, ang kagamhanan sa dakbayan magsilbing caretaker ug temporaryong magpahulam sa mga ekipo ngadto sa kapunungan sa mga mag-uuma ug mga benepisaryo niini ug mao usab ang responsable sa pag-abaga sa operating expenses ug maintenance sa galastohon sa irrigation equipment. (JRG)