Gaane, Ocon motuki sa lakang maseguro paglabay sa hazardous ug toxic wastes

Padayong tukion karong alas 9 sa buntag sa komite sa panglawas ni konsehal Malou Gaane ug komite sa environment ni konsehal Zaldy Ocon ang sugyot ordinansa nga maglatid sa epektibong pagdala, pagkolekta ug paglabay sa mga hazardous ug toxic wastes dinhi sa dakbayan sa Cagayan de Oro.

Ang sugyot nagpahamtang og multa ug silot ngadto sa masapong makalapas sa maong balaodnon.

Niini, gidapit sa konseho pagtambong sa tigom aron pagpaambit sa ilang opinyon ug panahom sila si Acting City Administrator Teddy Sabugaa, Carmencita Lubcuban, hepe sa Local Health System Development Cluster sa DoH-10, DENR OIC Engr. Edwin Andot, City Health Officer Dr. Fe Bongcas, City Legal Office OIC Atty. Donald Delegencia, PIHES Officer Rowena Yu, Clenro OIC Engr. Armen Cuenca, IPM-Construction Development Corp Manager ug Pyrotech Solution Integrated Service Corporation Manager.