Daba nahingawa sa nahitabong sunog diha sa Polymedic Plaza

Dako ang kahingawa ni konsehal Reuben Daba, chairman sa komite as social services, sa nahitabong sunog niadtong Disyembre 3, 2017 diha sa Polymedic Plaza sa Kauswagan Highway sa alas 6:00 sa gabii.

Kini tungod kay nakahatag og kahadlok sa tanang m

ga pasyente sulod sa maong hospital.

Sa sesyon sa konseho niadtong Lunes nga gidumala ni bise mayor Kikang Uy, si konsehal Daba mibutyag nga ang kalayo nagsugod sa ilang kitchen area nga nahimutang sa ubos nga bahin sa ramp diin daghang mga pasyente ang nalukong sa taas nga bahin.

Matod ni Daba nga dili sayon ang nasinati sa mga pasyente sa nahitabo nga dili sila makadali dali og hawa sa dapit, hinuon nagpasalamat si Daba sa Ginoo nga walay nadisgrasya sa maong panghitabo.

Gipasabot sa konsehal nga ang bombero naglisod pagsulod tungod kay piot ang entrance ug exit pasulod sa hospital human gitunga sa McDonalds maong dili dayon makabalik og tuyok.

Niini, giduso ni bise mayor Uy ang special report ni konsehal Daba ngadto sa komite sa police, fire and public safety ni konsehal Romeo Calizo alang sa tukmang aksyon. (Yonggals)