Suzette motuon sa hangyo mapalambo water system sa brgy Indahag

Gipaabot tun-an sa komite sa edukasyon ni konsehal Suzette Magtajas-Daba ang taho ni konsehal Ian Mark Nacaya sa miaging sesyon sa konseho sa dakbayan kalabot sa hangyo mapalambo ang Water System diha sa barangay Indahag ug Indahag National High School, ning syudad.

Sa taho ni konsehal Nacaya iyang nakita ang katawhan sa dapit nga naglinya daplin sa dalan aron magsag-ob og tubig. Ang maong problema susama usab sa problema sa Indahag National High School.

Nasayran usab nga ang maong tulonghaan naghulat nga makatubig pinaagi sa schedule nga linya sa tubig sa mga pribado nga kompanya sa maong dapit. (APD)