2-storey 8-classroom bldg matukod sa Man-ai ES

Gilantaw nga mahatagan sa komportableng tunghaan nga hitsas sa facilidad ang kabataan sa Barangay Tignapoloan.

Kini ang usa sa mga proyektong nasukip sa giaprobahang 2023 Annual Investment Plan (AIP) sa konseho sa syudad ubos ni Bise Mayor Bebot Rodriguez.

Ang maong proyekto alang sa pagtukod og duha ka andanang edifisyo nga adunay walo ka lawak saringan alang sa Man-ai Elementary School nga pundohan ubos sa Special Education Fund (SEF) balor P13 milyones kapin.

Dako ang kalipay ni Konsehal Suzette Magtajas-Daba, chairman sa komite sa edukasyon, sa pagsukip sa proyekto alang sa sunog tuig dala ang paglaum nga sa pagtukod sa dugang mga proyekto sa imprastraktura sa edukasyon walay mapihig sa pagkab-ot sa hayag nga kaugmaon.

Si Suzette mapasalamaton usab sa administrasyon ni Mayor Klarex Uy sa pagpadayong paghatag og hamugaway nga mga tunghaan nga hitsas sa facilidad ngadto sa kabataan.

Ang mga proyekto pagtukod og mga edifisyo sa mga tunghaan magtabang dinha sa pagtunol sa de kalidad nga edukasyon ngadto sa kabataan dili lamang sa barangay diin nahimutang ang tunghaan kun dili lakip na sa kasikbit nga mga dapit.