13 social welfare infra projects ipatuman sunod tuig

TRESE ka mga proyekto sa imprastraktura alang sa katilingbanong serbisyo ang mapatuman sunod tuig.

Kini ang nasukip sa gisumeteng 2022 Executive Budget sa administrasyon ni Mayor Oscar Moreno aron aprobahan sa konseho sa syudad ubos ni Bise Mayor Kikang Uy.

Ang balor P55 milyones nga mga proyekto naglakip sa pagtukod sa lima ka mga Child Development Centers (CDCs) sa tag-P1.5M matag usa kon P7.5 milyones; pagrehabilitar sa napulo ka sa CDCs sa tagP500 mil matag usa kon 5 milyones; pagtukod sa lima ka family kiosks sa tag-P250 mil matag usa dinha sa Oro Care Village – Maitum kon P1.25 milyones; pag-instalar sa railing, ramps ug grab bars sa Residential Care for the Elderly dinha sa Maitum, Puerto balor usa ka milyones; pagtukod og water reservoir sa Oro Care Village balor P10 milyones; pagtukod sa Children with Disability Center sa barangay Iponan balor P5 milyones; pagtukod sa E-Clip Halfway House Phase IV balor P5 milyones; pagtukod og playground sa Care Center for Children –Maitum balor usa ka milyon; pagkoral sa Oro Care Village – Maitum balor P10 milyones; pagtukod sa Oro Dalampanan Shelter Phase II –Maitum balor P5 milyones; pagkoral sa Migrant Center balor usa ka milyones; ug pagtukod sa lima ka family kiosk sa tag-P250 mil dinha sa Women’s Compound sa Macanhan, Carmen.

Si Konsehal Girlie Balaba, chairman sa komite sa social services, malaumon nga kun mapatuman ang maong mga proyekto makahatag kini og kasayon ug dugang kaarangan sa kinabuhi sa kabataan ug mga hamtong sa dakbayan.