THE City Council committee on subdivision and landed state chaired by Councilor Edgar S. Cabanlas is set to conduct an ocular inspection on February 26, 2025, at the proposed condominium in Barangay Macasandig.
This was agreed during its recent meeting following the discussion on the application for Preliminary Subdivision Development Plan (PSDP) by AZ Development Corporation of its condominium Ridge Garden Project.
The PSDP is for the two eight-storey condominium buildings with a total floor area of 3,502 square meters.
Invited to join the inspection are the representatives of the developer, City Housing and Urban Development Department (CHUDD), City Engineer, and City Planning and Development Officer. (JBDacer/SP)
ANG komitiba sa panglawas, nutrisyon, ug health insurance sa Konseho, nga gipangulohan ni Konsehal Maria Lourdes S. Gaane, gikatakdang magtigom sa umaabot Biyernes, Pebrero 21, 2025, aron hisgotan ang natigayong pagpagawas sa Health Emergency Allowance (HEA) sa miaging semana.
Matod sa taho, ang pundo alang sa HEA, nga naglangkob sa 16 ka bulan nga allowance gikan sa Disyembre 2021, Abril 2022, Hunyo hangtod Disyembre 2022, ug Enero hangtod Hulyo 2023, nadawat sa lokal nga kagamhanan niadtong Disyembre 2024. Ang payroll gisumite sa City Budget Office niadtong Enero 27, 2025, ug nahuman ang proseso sulod sa duha ka semana.
Kapin sa 2,000 ka benepisyaryo ang nakadawat sa maong ayuda: P9,000 alang sa high-risk personnel, P6,000 alang sa moderate-risk, ug P3,000 alang sa low-risk.
Nasayran nga ang mga barangay health workers (BHWs) nga nagbuhat lamang og surveillance ug walay direct contact sa mga pasyente walay apil sa high-risk category.
Ang mga medical technologist ug doktor nga nadestino sa COVID-19 Isolation Units (CIUs) ug Temporary Treatment and Monitoring Facilities (TTMFs) maoy nalakip sa high-risk personnel.
Gitumong ang maong paghisgot aron matubag ang mga pangutana ug kalibog sa mga benepisyaryo kabahin sa ilang nadawat nga HEA.
Gilauman nga motambong sa tigom ang mga representante sa Office of the City Administrator, Office of the City Accounting, Office of the City Treasurer, Office of the City Budget Officer, Office of the City Social Welfare and Development Officer, City Health Officer, Acting Chief of Hospital sa JRBGH, City Health Insurance Office (CHIO), Department of Health Regional Office-X, Ms. Sheryl Lopez (Barangay Nutrition Scholar), ug Ms. Judy Galdo (Barangay Health Worker). (JAOclarit/SP)
GIPAHALIPAYAN ni Konsehal Suzette Magtajas-Daba, chairman sa komite sa edukasyon, si Dr. Jestoni P. Babia human ang Konseho sa Syudad ubos ni Bise Mayor Bebot Rodriguez mikompirma sa iyang katudloan isip presidente sa City College of Cagayan de Oro (CCCO).
“Akong pagsaludo kaniya ug dako kaayo kini nga garbo sa dakbayan kay lumad taga Agusan, Cagayan de Oro ang nahimong pinaka unang presidente sa kolehiyo sa syudad,” pamahayag ni Konsehal Daba.
Bisan pa man nga dako na og kinitaan si Dr. Babia didto sa kaulohan apan gipili niyang mobalik aron sa pag-alagad sa mga Kagay anon, sumpay sa Konsehal.
Nagpasalamat usab si Konsehal Daba sa Commission on Higher Education (CHED), Department of Education (DepEd), Department of Budget and Management (DBM) ug Local Finance Committee (LFC) nga naghatag og katin-awan bahin sa isyu sa salary grade 29 nga suholan ni Dr. Babia. (RNQuiblat/SP)