DAKO ang kalipay ni Konsehal Suzette Magtajas-Daba, chairman sa komite sa edukasyon, nga hingpit nang mahatagan sa komportableng tunghaan ang mga kabataan sa Barangay Cugman.
Kini ang mensahe sa konsehal atol sa inauguration ceremony niadtong Marso 20, ning tuig sa bag-ong edifisyo sa Cugman Integrated School diin siya ang nagrepresentar ni Mayor Klarex Uy.
Matod ni Daba nga ang bag-ong edifisyo dili lang eksklusibo sa high school students tungod, kay karong school year 2025-2026, modawat na kini sa mga tinun-an sa kindergarten ug elementarya.
Dugtong sa konsehal nga ang pagtukod og dugang mga edifisyo makatabang sa pagtunol sa de kalidad nga edukasyon ngadto sa kabataan dili lamang sa barangay diin kini natukod kun dili lakip na sa kasikbit nga mga dapit.
Nagpasalamat si Konsehal Daba sa tanang sakop sa Local School Board ubos ni Mayor Klarex Uy, Department of Education (DepEd) sa panguna ni Schools Division Superintendent Dr Roy Angelo Gazo ug sa Konseho sa Barangay Cugman sa panaghiusa ug pagtinabangay aron mapundohan ug matibawas ang maong tunghaan.
Naglaom ang konsehal nga ang maong edifisyo makaaghat gayud sa mga kabataan nga maghuman sa ilang pagtungha kay anaa naman gayud sa ilang tugkaran ang eskwelahan. (RNQuiblat/SP/Photo by CIO)
MAPATUMAN na ang dugang programa ug proyekto sa Barangay 7 nga gipundohan karong tuiga.
Kini human ang Konseho sa Syudad sa milabayng sesyon nga gidumala ni Bise Mayor Bebot Rodriguez misagop sa resolusyon nga nag-uli sa ilang ordinansa diin nasukip ang ilang 2025 Supplemental Budget nga adunay kinitaan ug galastuhon balor P389,000.00.
Lakip sa gipundohan mao ang pagbutang sa cctv camera nga adunay TV monitor palibot sa ilang barangay balor P169,000.00; samtang P220,000.00 usab ang gigahin alang sa pag-rehabilitar sa ilang barangay tanod outpost nga diin gilantawng maghatag kaarangan sa ilang pagpatuman sa kahusay ug kalinaw sa dapit.
Ang 2025 supplemental budget sa Barangay 7 miagi sa makuting pagtuon sa mga komite sa konseho ug nasuta nga nahiuyon sa balaod ug mahimo nang ipatuman.
Ang resolusyon nga gipalabang sa konseho alang sa maong katuyuan gipaluyohan sa komite sa barangay affairs ni Konsehal Yan Lam Lim ug sa komite sa pamalaod ug reglamento ni Konsehal Edgar Cabanlas. (MLRapanot/SP)
THE City Council committee on subdivision and landed estate chaired by Councilor Edgar S. Cabanlas favorably endorsed the approval of the payments for property owners affected by the proposed opening of Limketkai road extension from Justo Ramonal Street to J.R. Borja Extension located in Barangay 35.
The affected lots identified as Block 9 of Lot Nos. 5, 6, 7, and 8, and some of the portions of the same property become non-buildable due to its elongated form.
The committee likewise recommended the approval of the payment to a property which was affected by the road right-of-way or storm drainage project of the city in Barangay Kauswagan.
The requests for compensation were endorsed by City Mayor Rolando A. Uy, City Legal Office, and City Budget Office including the Local Finance Committee Resolution.
Councilor Cabanlas referred the requests to his committee on laws and rules for appropriate action. (JBDacer/SP)